xudaning oghli eysa mesih toghrisidiki xush xewer mundaq bashlinidu: yeshaya peyghemberning yazmisida xudaning munu sozliri xatirilengen: mana, aldingda elchimni ewetimen. u sening yolungni aldinala teyyarlaydu. u bolsa: bayawanda: dilinglarni rebbimizning kelishige teyyar qilinglar! uning yollirini tuz qilinglar! dep towlaydighan kishidur. derweqe, chomuldurguchi yehya chol-bayawanda peyda bolup, kishilerge: yaman yolliringlardin yenip, towa qilinglar! towa qilghanliqinglarni bildurush uchun chomuldurushni qobul qilinglar. shundaq qilghanda, xuda silerni kechurum qilidu! dep jakarlidi. kishiler yerusalem shehiridin, jumlidin putun yehudiye olkisidin uning aldigha keliship, gunahlirini iqrar qilishti we uning ozlirini iordan deryasida chomuldurushini qobul qilishti. yehya peyghember toge yungidin kiyim kiygen, belige kon tasma baghlighanidi. yeydighini cheketke bilen yawa here hesili idi. u mundaq dep jakarlaytti: mendin keyin teximu qudretlik biri kelidu. men hetta engiship uning ayighining yiplirini yeshishkimu layiq emesmen! men silerni sughila chomuldurimen, lekin u silerni muqeddes rohqa chomulduridu. shu kunlerde, hezriti eysa jeliliye olkisining nasire shehiridin kelip, yehya peyghember teripidin iordan deryasida chomulduruldi. u sudin chiqipla, asmanning yerilip, muqeddes rohning kepter halitide asmandin chushup, oz ustige qonuwatqanliqini kordi. andin, ershtin xudaning: sen mening soyumluk oghlum, men sendin xursenmen! degen awazi anglandi. muqeddes roh hezriti eysani shuan chol-bayawangha elip keldi. u cholde qiriq kun turup, sheytan teripidin sinaldi. u yawayi haywanatlar yashaydighan yerde bolghan shu jeryanda, perishtiler uning xizmitide boldi. yehya peyghember tutqun qilinghandin keyin, hezriti eysa jeliliye olkisining herqaysi jaylirigha berip: waqit-saet yetip keldi. xudaning padishahliqi namayan bolush aldida turidu! shunga, towa qilinglar, xush xewerge ishininglar! dep, xudaning xush xewirini jakarlashqa bashlidi. bir kuni, hezriti eysa jeliliye koli boyida ketiwetip, simun bilen inisi enderni kordi. ular beliqchi bolup, kolge tor seliwatatti. hezriti eysa ulargha: manga egishinglar, men silerni beliq tutushning ornigha, manga adem tutidighan qilimen, dedi. ular shuan beliq torlirini tashlap, hezriti eysa bilen mangdi. kol boyida biraz mangghandin keyin, hezriti eysa zebediyning oghulliri yaqup bilen yuhannani kordi. ular kemide torlirini ongshawatatti. hezriti eysa derhal ularni shagirtliqqa chaqirdi. ular atisi zebediyni medikarlar bilen bille kemide qaldurup, ozliri hezriti eysa bilen mangdi. ular kepernahum shehirige kirdi. dem elish kuni hezriti eysa ibadetxanigha kirip, telim berishke bashlidi. xalayiq uning telimlirige heyran qelishti. chunki, uning telimliri nopuzluq idi, tewrat ustazliriningkige oxshimaytti. ibadetxanida jin chaplashqan bir kishi bar idi. del shu chaghda, u: ey nasirelik eysa, biz bilen karing bolmisun! bizni yoqatmaqchimusen? men sening kimlikingni bilimen. xuda ewetken muqeddes bolghuchisen! dep towlap ketti. hezriti eysa uni sozlitiwatqan jingha buyruq qilip: aghzingni yum, bu ademning tenidin chiq! dedi. jin heliqi ademning bedinini qattiq tartishturdi we peryad koturginiche uning tenidin chiqip ketti. buningdin heyran bolghan kopchilik bir-birige: bu qandaq ish? yipyengi bir telimghu! u derweqe jinlargha buyruq qilish hoquqigha ige iken! ularmu uning sozige boysunidiken, deyishti. buning bilen, hezriti eysa toghrisidiki xewerler tezlikte putun jeliliye olkisige tarqaldi. hezriti eysa ibadetxanidin chiqipla, simun we ender bilen bille ularning oyige bardi. yaqup we yuhannamu ular bilen birge bardi. simunning qeynanisi qizitma ichide yatatti. uning ehwali hezriti eysagha derhal melum qilindi. hezriti eysa bimarning qeshigha kirip, qolidin tutup yolep, ore turghuzdi.